السلام عليكم.
كثير انتشرت موضة أطواق الورد ..
وكلنا حبيناها لكن المشكله أننا ما نلقاها !
وحتى لو لقيناها أسعارها جداً مبالغ فيها.. بزياده يعني.. صدق أنتوا تعبتوا عليها بس مو لهادرجه ! شدعوه والله لو انك شهر تسوينه ..
الزبده أني عصبت لأني ما لقيت الا بكليرز وجدا شين بعد.
قلت ليش ما أتحرك واسويه انا بنفسي ؟ مو ناقصه لا يد ولا رجل الحمدلله الله يتمم نعمته..
وقامت نجلا وراحت تركض للزامل عشان تشتري ورود وشرائط وأسلاك وأوراق شجر ومن هالكلام
مكان الزامل ( شارع الكورنيش.بجانب البنك العربي الوطني) وحتى لو ضعتوا اسألوا اي احد عنه وما أح يقصر ان شاء الله
الصراحة ما عندهم ورد واجد. وكلهم مغبرات ولا اكياسهم متشققة والالوان والاحجام قليله
أنتوا وكيفكم عاد.. روحوا شوفو يمكن تلقون.
هذي الاغراض
كنت بسوي اثنين بس هونت ...
الأغراض الي تحتاجونها بسيطه وبكل بيت :
مقص
زراديه
ورود صناعيه
اوراق شجر
شرائط
واير
بعدين سكريه بالزراديه
جيبوا الشريطه ولفوها عليه وإذا جيبوا تسكرونه سكروه ب صمغ حار او اربطوه
طبعا لما خلصت وطلع صح اخذت الشريطه ولفيته فيها عشان تغطي على الوايرات
ان شاء الله استفدتوا والي بتسوي تسوي لي تاق على الصوره بانستقرام وحفرح فيكم واللهي :(
الي قالو يبون آسفه والله آسفه بس يعني ما باليد حيله !
كلكم أسوي لكم يعني :)
لا تنسون الكومنتس هنا وبالانستقرام إذا تبون
في أمان الله:)
ليست هناك تعليقات:
إرسال تعليق