DIY أطواق الورد :)

السلام عليكم.

كثير انتشرت موضة أطواق الورد .. 

وكلنا حبيناها لكن المشكله أننا ما نلقاها ! 

وحتى لو لقيناها أسعارها جداً مبالغ فيها.. بزياده يعني.. صدق أنتوا تعبتوا عليها بس مو لهادرجه ! شدعوه والله لو انك شهر تسوينه .. 

الزبده أني عصبت لأني ما لقيت الا بكليرز وجدا شين بعد. 

قلت ليش ما أتحرك واسويه انا بنفسي ؟ مو ناقصه لا يد ولا رجل الحمدلله الله يتمم نعمته..

وقامت نجلا وراحت تركض للزامل عشان تشتري ورود وشرائط وأسلاك وأوراق شجر ومن هالكلام 

مكان الزامل ( شارع الكورنيش.بجانب البنك العربي الوطني) وحتى لو ضعتوا اسألوا اي احد عنه وما أح يقصر ان شاء الله 

الصراحة ما عندهم ورد واجد. وكلهم مغبرات ولا اكياسهم متشققة والالوان والاحجام قليله

أنتوا وكيفكم عاد.. روحوا شوفو يمكن تلقون.

هذي الاغراض

كنت بسوي اثنين بس هونت ... 

الأغراض الي تحتاجونها بسيطه وبكل بيت : 

مقص 

زراديه

ورود صناعيه

اوراق شجر 

شرائط 

واير

طوق ورد ب ١٨ ريال ! مصدقين انتم ؟ ايوه شخباركم يالتاجرات الي تبيعون الواحد ب ٣٠٠ وقصور 😪؟ 

اول شي خذي واير ولفيه على رأسك عشان تعرفين الحجم 

بعدين سكريه بالزراديه

انا استخدمت ٣ وإيرات.. أنتوا استخدموا ٦ او أكثر لانه طلع لين بزياده..

بعدين بعد ما تخلصون وتختارون كم واير وتسكرونه 

جيبوا الشريطه ولفوها عليه وإذا جيبوا تسكرونه سكروه ب صمغ حار او اربطوه

لما تجون تثبتون الورد والورق تقدرون تشيلون الوايرات الي فيهم وتلصقونهم بصمغ لكن انا لفيت الوايرات عليه احسن عشان إذا صار فيه اي خطا اقدر اشيله من الواير واعدله

وهذا لما خلصتها

طبعا لما خلصت وطلع صح اخذت الشريطه ولفيته فيها عشان تغطي على الوايرات 

 

ان شاء الله استفدتوا والي بتسوي تسوي لي تاق على الصوره بانستقرام وحفرح فيكم واللهي :(

الي قالو يبون آسفه والله آسفه بس يعني ما باليد حيله ! 

كلكم أسوي لكم يعني :)

لا تنسون الكومنتس هنا وبالانستقرام إذا تبون 

في أمان الله:)

Ramadan's gift

السلام عليكم .. 

بمناسبة شهر رمضان 

زي العاده الأب ستور الجميل دايم يفاجئنا بأشياء حلوه 

اول ما تدخلون الأب ستور بتلقون هذا 

 

أدخلوه وبتلقون كذا 

 رمضان'ز قيفت .. 

يونسون صح 😂؟ 

أسبوعيا راح ينزلون اب مدفوع ويخلونه فري لمده اسبوع بس .. 

بس حبيت أعلمكم  وشكرا :)....

Manicure 👋

السلام عليكم 

اليوم قلت أوريكم طريقة رسم المناكير على الأظافر 

بس ما ينفع الرسمة تنعاد على كل اظفر لان شكلها بيطلع جداً غبي وملفت بزياده .. 

هو مكتوب الشرح بالصور 

لاحظت فيه ناس يرسمونهم . 

ما يحتاج ترسمونهم فيه لصقات جاهزه لا تتبعون نفسكم 

تلقونهم شكلهم كذا بكليرز . لقيته في فرع الراشد ب ٥٠ ريال 

هذا شكله 

أكثر من شكل واكثر من لون . وهنا لما جربتهم 

فوق حطيت مناكير عادي اي لون بعدين حطيته بعدين حطيت مناكير شفافة عشان تثبته 

الي تحت حطيته وحطيت فوقه شفاف برضو ..

بس ما احس يستاهل تشترونها لان هبتها راحت يعني ما صار فيه ناس تلبس ماستاش.. 

ختامها مسك 💞!! 

المبدعة آلاء العبادي 

ترسم برضو  . عندها صفحة بيوتوب تنزل ألطريقه بالفيديو . 

شي جميييل الصراحة !! 

هذا اليوزر حقها بانستقرام للي حاب يتابعها اسمها باليوتيوب آلاء العبادي 

See you soon :) 

Beauty things

السلام عليكم .. 

بما اني اليوم مريضه وحبيسة الفراش قلت انزل لكم پوست ..

هو مو عن شي محدد يعني ..

اول شي بقول لكم  عنه الروج.. 

الروج دائماً وهقه . خصوصا إذا انتي مسافره واشتريتي روج ولما رجعتوا ما عجبك لونه عليك وتتوهقين ما تدرين وش تسوين فيه . 

او ان انتي عندك أكثر من روج تشهدوا خلاص وفيهم شوي وودك تجربين تغيرين .. 

عندي الحل . 

تعرفون الاشياء الي تجربون فيها اشياء ماك ؟ الصغيرات ؟ 

هذا 

بعد ما تنظفينه وتتاكدين ان خلاص ما بقى فيه شي 

خذي مجموعه أرواج واخلطي ألوان مناسبه مع بعض فيه 

اخلطي الين يطلع لون يناسبك 

من باب التغيير يعني

فهمتوا شلون ؟ 

طبعا مو شرط علبة ماك بس هي حجمها مناسب للمغامرات الي زي كذا 

وكل ما جيتي تحطين حطي بفرشاة ..

الكونسيلر..ومكان استخدامه 

كثير ناس تطلع لهم هذيك العزايم او المناسبات الفجاه . وتحتار وش تسوي بشعرها.. خصوصا ان المشاغل اربع وعشرين ساعه زحمه .. 

لقيت لكم كم من طريقه تصرفون فيها نفسكم .. 

هي حلوه يعني ..

هنا لفلفيه طبيعي بعدين جيبي مشط ومشطيه بشويش ويطلع ويڤي

الصراحة ما عجبتني فكره الشراب مدري وش هذا ..بس فيه اشياء تنباع بكشكات المجمعات فيها هذا الشي..

نصيحه مجرب . 

إذا تحبين ريحه مويه الورد بعد ما تخلصين من الشاور خذي آخر شطفه مويه ورد . 

انا صراحه شطفته بمويه ورد بعدين لفيته بفوطة ورفعتها وشطفت جسمي لأني احس انه بيدبق إذا خليته . 

طلع جداً جميله ريحه شعري .. وأحسنه صار انعم شوي وفيه لمعه حلوه .. 

ونصيحه ثانيه 

قبل ما تنامين حطي غسول بوجهك وبعد ما تشطفينه على طول روحي لمويه الورد الي بردتيها بالثلاجه ومعك قطنه وبلليلها فيه وامسحي وجهك فيه 

بتقومين الصباح وتشوفين بشرتك ناعمه جداً .. 

Bye :) 

Islamic apps

السلام عليكم . 

كثير ناس يدورون برامج دينيه حلوه وتفيد . 

برنامج ختمة :

هو برنامج يساعدك على ختم القرءان .. يحسب لك كم باقي صفحه ومن هالاشياء

هذا هو : فري طبعا..

البرنامج الثاني هو الا صلاتي : هو هذا 

اول ما تدخلين راح يطلع لك اشياء اختيارية زي كذا 

اختاري الي يناسبك 

طبعا هو راح بيعلمك كم باقي على شروق الشمس أو صلاة الفجر أو الظهر وكذا ...

الحين قاعد يحسب للشروق زي ما تشوفون 

وهنا عشان تعرفون أوقات الصلوات 

للأسف هو مدفوع بس من حسن الحظ هو هالفتره فري يمكن يمديكم تحملونه ....

البرنامج الأخير جداً مفييييد !!! 

اول واحد عاليمين . 

يحدد لك مكان القبله إذا كنتي مسافره - زواره-بر -بحر 

كل الي عليك تسوينه حطيه على سطح مستوي وهو بيحدد 

وفيه بث لايف لمكه 

و شكرًا 

Have a nice day every one :)

Over

السلام عليكم .. 

ارجع وأعيد كل الي كتبته عشان ألبوست انحذف :( 

فيه اب اليوم فري حق خط جداً جمييييل ... 

اسمه OVER . 

اول واحد على اليسار 

أعلمكم شلون تستخدمونه على حسب ما اكتشفت . 

الخطوه الأولى : اختيار صوره. طبعا الاشياء المظللة بأحمر ما تحتاجونه . 

الخطوه الثانية : اضغطوا على اول زر 

الخطوه الثالثة : سوو دپل تاب على الكلام الي طلع لكم عشان يمديكم تكتبون الي تبون 

الخطوه الرابعة : بعد ما كتبتو الي تبون . فيه نص دائره على اليمين حركوها على فوق وعلى تحت عشان تغيرون وتختارون فونت الي هو نوع الخط ..

الخطوه الخامسه : عندكم كثير خطوط اختارو الي يناسبكم 

الخطوه السادسة : بعد ما تخلصون من التكبير والتصغير والتقريب والتبعيد ارجعوا لنصف الدائرة هذيك ودوروها على سايڤ . 

خلصنا الحمدلله . طبعا جداً سعيده فيكم . ومستانسه جداً على الي عززوا لي بانستقرام . 

بظل أسوي بوست عن الابس الين ألقا لي شي يستاهل أسوي له .. 

والي بيطبقون على الاشياء الي قاعده اشرحها يسوون لي تاق على الصوره عشان أشوفها .

ترا افرح فيكم احس كأنكم عيالي لول . 

الزبده. 

ليش فري دامه كان مدفوع ؟ بمناسبة مرور خمس سنين على الأب ستور حبيب القلب. 

والي يبغى اشياء فري زياده شوفو الصوره

اضغطو على الخمسه ومهيب مقصره 😂.

هذا اسمي انستقرام : @najlahm 

وشكرا.